Фахови сход у нашей школи
25. октобер 2023.
Предклади за МОТО школи
2. новембер 2023.
На Сайму образованя и наставних средствох зоз назву »Зробме най швет будзе лєпши» стреду 25. октобра представени активносци з обласци инклузивного и образованя националних меншинох.
Наша школа представела образованє по руски. Школярки пиятей класи Рамона Будински, Надя и Даниєла Ґайдош приказали драмски слички товаришства, толеранциї, емпатиї и любови. Рамона рецитовала писньочку “Нєшор” по руски. Мария Сакач, школярка седмей класи и Филип Бесерминї, школяр осмей класи представели народне облєчиво и за конєц одтанцовали дзецински танєц “На желєнєй травки”. На штанду нашей школи представени учебнїки другого циклусу по руски, моноґрафия школи як и история образованя у Коцуре.
У нашим дружтве були Анамария Вичек, державна секретарка Министерства просвити и єй сотруднїци и Олена Папуґа, предсидателька Одбору за образованє Националного совиту Руснацох.
