Обвисценє
27. авґуст 2026.
У нашей школи нєшка, 1. септембра 2026. року, святочно означени початок нового школского року и отримани приєм школярох першей класи.
Нашо наймладши школяре привитани з прикладну програму, зоз хтору им пожадани щешлїви и успишни початок школованя. Зоз ошмихами, музику и друженьом, першокласнїки крочели до нового и важного животного поглавя.
Шицких присутних привитала и поздравела директорка школи, хтора першокласнїком пожадала вельо успиху, нови знаня, товаришства и красни хвильки под час школованя. Наймладших школярох привитал и предсидатель Општини Вербас, зоз порученьом же рушанє до школи єден з наважнєйших хвилькох у живоце каждого дзецка.
Окремну радосц нашим першокласнїком принєсли и дарунки хтори достали дзекуюци поваги и потримовки Универекспорту, Плазми, Општини Вербас, нашей школи, як и ЕXPO 2027.
Дзекуєме шицким партнером и товаришом школи хтори допринєсли же би перши школски дзень нашим першокласнїком остал у красним здогадованю.
Мили першокласнїки, жадаме вам най школски днї випольнїце зоз знаньом, любопитлївосцу, товаришством и ошмихами. Най вам перши крочай до школскей лавки будзе початок єдней красней и успешней драги!
Щешлїви початок школованя!
