Републичне змаганє «Мост математики»

Наша школа участвовала на змаганю „Мост математики“. Того року преславена дзешецрочнїца од снованя здруженя „Млади математичар“ а Министерство просвити, науки и технологийного розвою Републики Сербиї, уключело змаганє „Мост математики“ до календара змаганьох основних и стреднїх школох.

Того року, тема змаганя була „Мрежа“. З нашей школи у реализациї того проєкту участвовали скоро шицки наставнїки и скоро шицки школяре висших класох. Наш проєкт бул оценєти з найвисшу оцену на тим змаганю и пласовал ше на Державне и Медзинародне змаганє хторе отримане Врнячкей Банї 2. и 3. априла. У финалней часци змаганя зоз презентацию проєкта и у математичним квизу, нашу школу представели школярки: Надя Бесерминї V, Елена Рунич VI, Јована Стрибер VII и Лена Шкрбич VIII.

Наша школа на тим математичним змаганю, медзинародного характеру, посцигла треце место. Пехар хтори сцигол до школи, заслуга тимскей и поєдинєчней роботи и закладаня шицких школярох и наставнїкох, на чолє зоз наставнїцу математики, Оксану Недич, зоз чим наша школа, гоч з малого штредку, указала же ма квалитет и потенциял нє менши од вельких школох и од школох зоз вельких варошох у Сербиї.