Повеля «Доситей Обрадович»

23.04.2024. додзелєни Повелї «Доситей Обрадович» за винїмкове доприношенє образованю. Медзи 14 наградзенима у розличних обласцох и катеґорийох школа «Братство єдинство» зоз Коцура єдна з трох школох хтори наградзени на териториї Републики Сербиї.

Повеля » Доситей Обрадович» ше додзелює треци рок зашором поєдинцом и установом у обласци образованя чия робота препозната як винїмкове доприношенє унапредзованю образованя и воспитаня.

Коцурскей школи додзелєна Повеля за участвованє установи и занятих у програмох и проєктох зоз значнима витворенима резултатами, за квалитет настави, ученя и воспитней роботи, за приклади добрей пракси и успишне медзинародне сотруднїцтво наставнїкох и школярох.

Як наведзене у сообщеню Министерства Просвити тота школа приклад добрей пракси, цо потвердзую розлични припознаня хтори у предходним периодзе додзельовани школяром и наставнїком з тей школи.

«Дзекуєм шицким хтори допринєсли тому же би школа заслужела таке важне припознанє и зоз шицку моцу ше будземе намагац же би предлужели унапредзовац квалитет роботи установи», гварела директорка школи Сенка Мученски.