Републичне змаганє зоз сербского язику як нємацеринского
21. май 2023.
Кед би планета знала бешедовац
23. май 2023.
Прешлого викенду у Врнячкей Банї отримане финале Державного математичного змаганя Мост математики. И екипа нашей школи участвовала на тим змаганю хторе ма медзинародни гарактер. Того року ше, окрем найлєпших школох у Сербиї, змагали и школяре зоз Турскей, зоз стреднєй школи у Анкари.
Нашу школу на тим змаганю представяли Филип Хромиш VIII-1, Душан Керкез VII-3, Алекса Сакач VI-3 и Михаел Дротар V-1. Вони всоботу на змаганю проєктох представели наш проєкт Енерґия звука и пласовали ше за математични квиз хтори ше отримал внєдзелю. У барз виєдначеним змаганю дзе наша екипа указала барз добру порихтаносц и витворела одлични резултат, посцигли високе штварте место и достали похвалу. Понеже им до бронзи хибел лєм єден бод а до другого места лєм три боди, ми барз задовольни зоз резултатом и витвореним пласманом.
Цалей екипи и наставнїци Оксани Недичовей винчуєме на окремним успиху и похвалюєме их за вредну и квалитетну роботу!
