„Мислиша“

Школяре з нашей школи и того року участвовали у математичним змаганю „Мислиша“ хторе орґанизує Математичне дружтво Архимедес. Змаганє отримане 13. марца у нашей школи. На змаганю участвовали школяре од першей по осму класу. Робели по 25 интересантни и крашнє илустровани задатки а перша и друга класа мала 15 таки задатки. Задатки ше бодую з трома, штирома лєбо з пейц бодами.

Шицки учашнїки змаганя од Математичного дружтва достали сертификат о участвованю, сличку „Мислиша“ и дарунок-теку „Мислиша“ а школяре од першей по трецу класу и членску карту за Клуб „Мислиша“.

Школяре з увагу ришовали задатки и нєсцерпезлїво обчекую резултати змаганя. Наздаваме ше же з резултатами буду задовольни.