еTwinning проєкт “DecoMask”

У рамикох еTwinning проєкту “DecoMask” нашо школяре мали видео схадзку зоз товаришами зоз основней школи “Sjenjak” зоз Босни и Херцеґовини.

Школяре мали нагоду розменїц резултати виглєдованя и активносци хтори ше одбуваю од октобра 2023. року.

Закончуюца часц проєкту буду едукациї на тему защити животного стредку хтори школяре буду виводзиц нє лєм на уровню школи, алє и локалней заєднїци.

Kоординаторки проєкту у нашей школи наставнїци Здравка Майкич и Мелания Мали.

У проєкту першенствено анґажовани школяре 7-1 оддзелєня алє им ше придружую и школяре зоз других оддзелєньох прето же похопюю важносц тей теми!