Нащива школярох зоз ОШ „Петро Кузмяк” зоз Руского Керестура
14. июня 2023.
Святочни приєм за найлєпших школярох
21. августа 2023.
Школяре 3. класи були на єднодньовим вилєту 15.6.2023. року. Вилєт бул орґанизовани на релациї Зренянин – Ечка – Царска бара.
У Зренянину школяре перше нащивели руску церкву. Видзели єй вонкашньосц и прекрасну нукашньосц. Потим рушели до Народного музею дзе виложени прейґ 33000 музейски предмети. Потим школяре нащивели Царску бару – специялни резерват природи. Подзелєни до двох ґрупох, рушело воженє на менших ладьох. Ладї плївали през Стари Беґей, а школяре розпатрали защицени файти рошлїнох и животиньох (найвецей птици).
Познєйше автобус рушел на драгу до Ечки. У замку Каштел Ечка чекал их смачни полудзенок. После упознаваня историяту замка и фотоґрафованя опрез фонтани, школяре ше бавели и дружели у парку за дзеци. Центер Зренянину бул шлїдуюца дестинация дзе школяре видзели памятнїк Кральови Петрови I, Народни театер, ушорени центер… Ту бул и смачни сладоляд за каждого школяра. Єднодньови вилєт каждому останє у красним здогадованю.
