Безпечносц школярох у транспорту

У шицких трох оддзелєньох 5. класи отримани интердисциплинарни годзини Технїке и технилоґиї и Информатики и рахункарства на хторих обробена Безпечносц школярох у транспорту. Наставнїк Владимир Бесерминї учел школярох о правилох у транспорту и безпечносци учашнїкох у транспорту, а окреме пешакох и бициглистох. Наставнїца Славица Байорова повторела зоз школярами шицко цо дознали на годзини хаснуюци интерактивне он-лайн бависко хторе провадзи школярох од дому по школу указуюци им на можлїви небезпечни ситуациї, а потим и квиз Кахут у хторим участвовали шицки школяре. Школяре указали добре предзнанє хторе здобули на годзинох Швета коло нас, Природи и дружтва, як и Технїки и технолоґиї.