22. Републичне змаганє зоз руского язика и язичней култури

22. Републичне змаганє зоз руского язика и язичней култури школярох основних школох зоз порядну наставу по руски и школярох хтори руски язик виучую як виборни предмет зоз елементами националней култури отримане 27. мая 2023. року у Основней школи „Братство єдинство“ у Коцуре.

На змаганю вжали учасц 22 школяре VII и VIII класи хтори ше на Mедзиокружним змаганю, отриманим 1.4.2023. року пласовали на Републичне зоз Руского Керестура (5), Коцур (2), Нового Саду (9), Сримскей Каменїци (1), Петроварадину (1), Вербасу (1), Дюрдьова (1), Бачкей Тополї (1) и Нового Орахова (1).

Републичне змаганє спрам Календара Министерства просвити за 2022/2023. школски рок орґанизую: Министерство просвити Републики Сербиї, Дружтво за руски язик, литературу и културу и ОШ „Братство єдинство“, Коцур.

Под час препатраня тестох за школярох и присутних родичох бул орґанизовани одход до Етно клубу “Одняте од забуца” дзе их дочекала … и потолковала цо ше шицко находзи у тей етно хижи и як дараз жили людзе у Коцуре.

Святочне додзельованє наградох орґанизоване у лєтнєй учальнї нашей школи. Винчуєме школяром и їх ментором на посцигнутим успиху, а членом комисийох и Иринки Папуґовей дзекуєме на сотрудзованю.

Окреме винчуєме Радванї Дамянови и Ґайдош Теодори и їх наставнїци Снежани Шантовей за освоєне 2. место на републичним змаганю з руского язика.